Аз 12 то 16 ноябри соли 2012 дар Агентии амнияти ядрои ва радиатсионии Академияи илмхои Чумхурии Точикистон тибқи барномаи кории лоиҳаи миллии МАГАТЭ курси омузишии милли оид ба таъмини бехатарии радиатсионӣ дар саноат баргузор гардид.
Дар курси омузишии мазкур намояндагони Вазорати саноат ва энергетика, Кумитаи ҳолатҳои фавқулода ва мудофиаи гражданӣ, Институти хокшиносии АИК ЉТ, Донишгоҳи миллии Тоҷикистон, Ширкати алюминийи тоҷик, Институти геология ва сейсмологияи тоҷик ва Агентии амнияти ядроӣ ва радиатсионӣ иштирок намуданд.

Курси омузиши равияхои зеринро дар бар мегирифт: 
• асосҳои физикаи радиатсионӣ ва ядрои
• мутакобили афканишот бо модда
• истифодабарии манбахаи афканишоти ионофар дар сохахои гуногуни саноат 
• таъсири биологии афканишот
• воҳидҳои ченкунӣ, 
• дастгоҳҳои қайдкунии афканишоти радиатсионӣ, 
• меъёрҳо ва қоидаҳои бехатарии радиатсионӣ барои кормандон
• асосҳои бехатарии радиатсионӣ, 
• садамахо дар саноат вобаста ба нодуруст истифода бурдани манбахои афканишот
• таъмини бехатарии радиатсионӣ дар сохахои мухталифи саноат, ки дар он манбахои афканишот истифода бурда мешаванд. 
• додани ичозатнома ва гузарондани санчиш
• макоми кумитаи гумрук дар таъмини бехатарии радиатсиони
• макоми таълим ва омузиш дар таъмини бехатарии радиатсиони ва якчанд равияхои дигар

Лекcияхо аз тарафи Профессор Мехди Сохраби – эксперти МАГАТЭ, Илҳом Мирсаидов – мудири шӯъбаи муносибатҳои байналмиллалӣ ва иттилооти Агентии амнияти ядрои ва радиатсиони ва Бахтиёр Баротов – мудири сектори ичозатномадиҳии Агентии амнияти ядрои ва радиатсиони хонда шуданд. 

Зимни машгулиятхои тачрибави, иштирокчиен аз асбобҳо ва дастгоҳҳои мавҷудаи Агентии амнияти ядроӣ ва радиатсионӣ дидан карданд ва бо тарзи кор ва истифодабарии онхо шинос шуданд. Инчунин ташриф ба Озмоишгоҳи хизматрасонии техникии Агенти амнияти ядрои ва радиатсиони ташкил карда шуд.

Дар охири курси омузишии мазкур пас аз супоридани тестҳои имтиҳонӣ ба ҳамаи иштирокчиён сертификатҳо супорида шуданд.