18 июли соли 2016 Агентии амнияти ядроӣ ва радиатсионии Академияи илмҳои Ҷумҳурии Тоҷикистон ҳамчун ҳамоҳангсози Нақшаи миллии амали Ҷумҳурии Тоҷикистон оид ба амалинамоии қатъномаи 1540 Шўрои амнияти СММ дар ҳамкорӣ бо Дафтари САҲА дар Ҷумҳурии Тоҷикистон бо мақсади иҷрои бандҳои 1 д) ва 2 г) нақшаи зикргардида, вохўри бо мутахассисони соҳаи таъмини амнияти биологӣ баргузор гардид. 

Бояд қайд намуд, ки бо супориши Ҳукумати Ҷумҳурии Тоҷикистон гурўҳи корӣ, иборат аз мутахассисони соҳаи таъмини амнияти биологӣ аз вазорату идораҳои зерин ташкил карда шуд:

- Дастгоҳи иҷроияи Президенти Ҷумҳурии Тоҷикистон;

- Маркази миллии биогуногуни ва биобехатарии Кумитаи ҳифзи муҳити зист;

- Институти ботаника, физиология ва генетикаи растаниҳои АИ ҶТ;

- Институти химияи АИ ҶТ;

- Агентии амнияти ядроӣ ва радиатсионии АИ ҶТ;

- Интитути масъалаҳои бехатарии биологии Академияи илмҳои кишоварзӣ Ҷумҳурии Тоҷикистон;

- Маркази омўзишии минтақавӣ оид ба бехатарии биологӣ, Институти тиббӣ пешгирикунанда, Вазорати тандурусти ва ҳифзи иҷтимоии аҳолии Ҷумҳурии Тоҷикистон.

Инчунин, зимни вохўрӣ масъалаи ташкил намудани сафари кории гурўҳ то охири соли 2016 ба шаҳри Мински Ҷумҳурии Белорус бо мақсади шиносои бо инфрасохтори вазорату идораҳои марбутаи он дар соҳаи таъмини амнияти биологӣ мавриди баррасӣ карор дода шуд.