23 сентябри соли 2020 маросими расмии пешкаши таҷҳизоти муайянкунандаи COVID-19 ба Вазорати тандурустӣ ва ҳифзи иҷтимоии аҳолӣ баргузор гардид. Таҷҳизот аз ҷониби Агентии Байналмилалии Нерӯи Атомӣ (АБНА) тавассути лоиҳаи INT0098 ҷиҳати таҳкими иқтидори миллии озмоишгоҳҳои гуногуни Вазорат дар мубориза бо пандемияи COVID-19 ба маблағи 420,000.00 евро пешкаш гардидааст.

Таҷҳизоти пешниҳодшуда аз се маҷмӯаи ташхисӣ ва таҷҳизоти усулҳои ҳастаии ҳосилшуда иборат аст, ки ба ошкор сохтани вирусҳо дар Тоҷикистон мусоидат мекунанд. Алалхусус, ҳар як маҷмӯъ иборат аст аз:

• Таҷҳизоти муҳофизатии шахсӣ барои истифодабарандагон ҳангоми интихоб, коркард ва озмоиш;
• Таҷҳизот барои таъсис / такмили ташхиси молекулавӣ (термосиклер, бехатарии биологӣ ва шкафҳои ПТР, таҷҳизоти хурд ба монанди центрифугаҳо, гирдобҳо ва ғ.); 
• Маҷмӯаи махсуси ташхисӣ барои муайян намудани коронавируси нави (2019-nCoV / COVID-19) бо истифода аз се усул, ки онро Charité Virology, Берлин, Олмон (дастаи Dr Drostens) ва аз ҷониби Донишгоҳи Ҳонгконг таъсис дода шудааст (ҳарду аз ҷониби Ташкилоти Ҷаҳонии Тандурусти тавсия дода мешавад) ва BGI-и тасдиқшуда барои истифода ба маҷмӯаи RT-PCR пешкаш гардиданд.

Илҳом Мирсаидзода, Директори Агентии амнияти ядроӣ ва радиатсионӣ (Мақоми Миллии Энергияи Атомӣ), Академияи Миллии илмњои Тоҷикистон аз номи АБНА таҷҳизотҳоро такдим намуд.

Муовини вазири тандурусти ва ҳифзи иҷтимоии аҳолӣ Самариддин Ализода ва муовини директори муассисаи давлатии Пажуҳишгоҳи тиббию профилактикии Тоҷикистон Хуршед Саидов таҷҳизотро қабул намуда, қайд намуданд, ки он дар фурсати кӯтоҳтарин дар озмоишгоҳҳои дахлдори Вазорат насб гардида, барои муайянкунии COVID-19 истифода бурда мешаванд.

Илҳом Мирсаидзода, Директори Агентии амнияти ядроӣ ва радиатсионӣ (Мақоми Миллии Энергияи Атомӣ), Академияи Миллии илмҳо инчунин қайд намуд, ки АБНА барои Институти байтории назди Академияи илмҳои кишоварзӣ маҷмӯи иловагӣ харидааст ва пешкаш гардонидани он дар фурсати наздиктарин дар назар аст.

Мавриди зикр аст, ки тақдими таҷҳизот аз ҷониби АБНА ба кишвар бо сайю талошҳои зиёди Намояндагии Доимии Ҷумҳурии Тоҷикистон дар назди АБНА имконпазир шуд.