27 сентябри соли 2022 дар ҳошияи иҷлосияи 66-уми Конфронси генералии АБНА мулоқоти директор - Илҳом Мирсаидзод ва Фарҳод Ҳамидов - Cардори шуъбаи  иҷозатномадиҳӣ, санҷиш ва эътино ба ҳолатҳои садамавӣ химиёвӣ, биологӣ, радиатсионӣ ва ядроии Агентии амнияти химиёвӣ, биологӣ, радиатсионӣ ва ядроии Академияи миллии илмҳои Тоҷикистон бо роҳбар ва намояндагони шуъбаи кафолатҳои АБНА  баргузор гардид. 

Дар рафти мулоқот масъалаҳои санҷиши муассисаҳо ва ташкилотҳое, ки дар фаъолияти худ маводи ядроиро истифода мебаранд, аз ҷониби нозирони Агентии амнияти ХБРЯ-и АМИТ ва пешниҳоди ҳисоботи Ҷумҳурии Тоҷикистон дар доираи ӯҳдадориҳои кафолат оид ба паҳн накардани силоҳи ҳастаӣ ва Протоколи иловагиро, ки Љумњурии Тољикистон тасдиќ кардааст, мавриди муњокима қарор доданд. 

Иловатан, масъалаҳои пешниҳоди саривақтии ҳисоботҳои электронӣ дар Портали эъломияҳои давлатии АБНА низ баррасӣ гардид. Қайд карда шуд, ки пешниҳоди гузоришҳо оид ба кор андохтани портали дар боло зикр шуда  хеле осон ва қуллай гардидааст.

Инчунин, ба масъалаҳои оид ба тайёр намудани мутахассисион диққати махсус дода шуда ва зарурати гузарондани курсҳои омӯзишии миллӣ ва минтақавӣ мавриди назар қарор дорад.

Дар охир оид ба нақши махсуси барномаи INSEP-и Вазорати энергетикаи ИМА дар омодагии нозирони Агентии амнияти ХБРЯ АМИТ қайд гардида ва ба онҳо изҳори миннатдории махсус баён карда шуд. Инчунин, нозирони АБНА-ро ба курсҳое, ки дар оянда бо ташаббуси Агентии амнияти ХБРЯ-и АМИТ ва дар якҷояги бо барномаи INSEP-и Вазорати энергетикаи ИМА мегузаронанд, даъват карда шуд.