Бо мақсади таҳкими устувор ва ҳамзамон таъмини бехатарии радиатсионӣ ва ҳифзи иҷтимоии аҳолӣ кормандон ва роҳбарияти Филиали Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон дар вилояти Суғд (Филиали Агентӣ) дар ҳамкорӣ бо Сарраёсати хадамоти назорати давлатии тандурустӣ ва ҳифзи иҷтимоии аҳолӣ дар вилояти Суғд санаи 21 – уми декабри соли равон дар бинои навбунёди Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон дар вилояти Суғд (Филиали Агентӣ) бо ширкати кормандони соҳаи тиб, духтур-рентгенологҳо, рентгенолаборантҳо ва инчунин роҳбарони 00муассисаҳои ғайридавлатӣ новобаста аз шакли моликият ва тобеъияти идоравашон дар фаъолияти худ аз манбаъҳои афканишоти ионофар истифода менамоянд, семинари омўзишӣ ҷиҳати таъмини бехатарии радиатсионӣ ва ҳифзи иҷтимоии аҳолиро баргузор намуд.

Семинари мазкурро корманди Филиали Агентӣ Акбар Адҳамов ҳусни ифтитоҳ бахшида, моҳияти асосии онро ба иштироккунандагон тавзеҳ дод. Ҳамзамон дар рафти баргузории семинари мазкур, дорандаи нишонҳои ифтихории “Аълочии тандурустӣ ва ҳифзи иҷтимоии аҳолӣ” ва “Аълочии маориф ва илми Ҷумҳурии Тоҷикистон”, дорушиноси дараҷаи олӣ- Раҳмонзода Султон Раҳмон ва мутахассиси пешбари шуъбаи назорати давлатии муассисаҳои ҳифзи иҷтимоии аҳолӣ ва муассисаҳои ғайридавлатии тиббии Сарраёсати хадамоти назорати давлатии тандурустӣ ва ҳифзи иҷтимоии аҳолӣ дар вилояти Суғд-Комил Каримов низ иштирок намуда, перомуни рафти иҷроиши бандҳои “Кодекси тандурустии Ҷумҳурии Тоҷикистон” ва инчунин “Фаъолияти хусусии тиббӣ” маърузаҳои пурмуҳтаво намуданд.

Сипас, духтур рентгенологи Беморхонаи ноҳияи Бобоҷон Ғафурови вилояти Суғд - Сатторов М. А. дар мавзӯи “Гузаронидани амалиёти рентгенологияи тиббӣ ва таъсири МАИ ба саломатии инсон” ва физики – «Маркази саратоншиносии вилояти Суғд» Муртазоев А. Ҳ. дар мавзӯи  “Усулҳои табобати касалиҳои саратон бо МАИ” назди аҳли ҳузор бо маърӯзаи пурмуҳтаво баромад намуда, ҳамзамон ба саволҳои иштирокчиёни семинари омӯзишӣ ҷавобҳои мушаххас доданд.

Дар ҷараёни семинар мутахассисони Филиали Агентӣ ва инчунин ходимони Маркази назорати давлатии санитарию эпидемиологии шаҳри Бўстони вилояти Суғд низ бо маърӯзаю баромадҳои худ фаъолона ширкат варзиданд. Маърўзаҳо аслан оид ба муќаррароти қонунҳои Ҷумҳурии Тоҷикистон «Дар бораи бехатарии радиатсионӣ», «Барои иҷозатномадиҳӣ ба баъзе намудҳои фаъолият», «Дар бораи ҳуқуқи истеъмолкунандагон»,«Дар бораи ҳимоя ва дастгирии давлатии соҳибко-рӣ», «Меъёрҳои бехатарии радиатсионӣ, «Қоидаҳои таъмини бехатарии радиатсионӣ» ва инчунин дигар санадҳои меъёрию ҳуқуқие, ки баҳри таъмини бехатарии радиатсионӣ ва назорати соҳаи тандурустӣ ва ҳифзи иҷтимоии аҳолӣ барои шаҳрвандони Ҷумҳурии Тоҷикистон, шаҳрвандони хориҷӣ ва шахсони бетабаа, ки дар ҳудуди Ҷумҳурии Тоҷикистон зиндагӣ мекунанд, қабулгардидаро дар худ фаро мегирифт.

Лозим ба тазаккур аст, ҳамин тариқ Филиали Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон дар вилояти Суғд дар ҳамкории қавӣ ва муштараки худ бо иштироки ходимони Сарраёсати хадамоти назорати давлатии тандурустӣ ва ҳифзи иҷтимоии аҳолӣ дар вилояти Суғд (Филиали Агентӣ) низ тасмим гирифтааст, ки ба таври мунтазам гузаронидани ин гуна чорабиниҳои муфидро дар давоми соли нави мелодӣ на танҳо бо табибон, балки бо дигар ќишрҳои ҷомеа низ бештар аз пештар дар ҳудуди вилояти мазкур ва дигар шаҳру ноҳияҳои он баргузор намояд.