18 июни соли равон дар толори Агентии амнияти химиявӣ, биологӣ, радиатсионӣ ва ядроии Академия миллии илмҳои Тоҷикистон бо иштироки муовини КИИ “Хирадмандон” ҲХДТ дар АМИТ -  Қурбонова Ширин, директори Агентии амнияти ХБРЯ-и АМИТ - Илҳом Мирсаидзода ва кормандони ин ниҳод маҷлиси васеъ баргузор гардид.

Дар чорабинӣ оид ба 2 масъала: натиҷагири аз фаъолияти ташкилоти ибтидоии  “Афканишот” – КИИ “Хирадмандон” -и ҲХДТ дар нимсолаи якуми соли 2024 ва интихоби раиси ташкилоти ибтидоии  “Афканишот” – КИИ “Хирадмандон” -и ҲХДТ дар назди Агентӣ таваҷҷуҳ зоҳир карда шуд.

Оид ба масъалаи якум, яъне фаъолияти ташкилоти ибтидоии  “Афканишот” – КИИ “Хирадмандон” дар давраи сипаришуда, муовини КИИ “Хирадмандон” ҲХДТ дар АМИТ -  Қурбонова Ширин баромад намуда, фаъолияти онро самарабахш арзёби намуд.

Таъкид гардид, ки мо ҳизбиён зери сиёсати хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон баҳри рушду пешрафт ва зиндагии шоистаи мардум пайваста идеяҳои наву созандаро рӯи кор оварда, дар амалисозии ҳадафҳои оинномавӣ ва барномавии ҲХДТ ба дастовардҳои бузурги меҳнатӣ ноил гардида истодаем.

Тазаккур дода шуд, ки самти асосии кори ҳар як ҳизби сиёсиро фаъолияти идеологӣ ва мафкурасозӣ ташкил медиҳад ва рисолати ҳизби сиёсӣ низ дар он ифода мегардад, ки то кадом андоза мардумро дар роҳи созандагиву бунёдкорӣ ва пешрафту шукуфоӣ раҳнамо месозад.

Оид ба масъалаи дуюм, дар мавриди интихоби раис бошад бо ҷонибдории ҳамаи аъзоёни ташкилоти ибтидоии  “Афканишот” – КИИ “Хирадмандон” Илҳом Мирсаидзода - директори Агентӣ раиси ташкилоти ибтидоии  “Афканишот” – КИИ “Хирадмандон” интихоб гардид.

Дар идомаи чорабинӣ иштирокдорон доир ба Ваҳдати миллӣ ҳамчун падидаи беназири сиёсию ҷамъиятӣ, ки дар низоми рушди муносибатҳои миллӣ нақши калидӣ дорад, ибрози назар карда, ин падидаи фараҳбахши даврони соҳибистиқлолиро на танҳо асоси пойдории давлат, балки асоси мавҷудияти миллати тоҷик ҳамчун мардуми соҳибдавлат арзёбӣ намуданд.