23 августи соли 2011 дар Нуқтаи ҷумҳуриявии гӯронидани партовҳои радиоактивӣ (НҶГПР) ноҳияи Файзобод лоиҳаи Тоҷикистону Британияи Кабир оид ба модернизатсияи системаи муҳофизати ҷисмӣ ва бехатарӣ ба итмом расид.

Дар маъракаи супоридани иншоот иштирок намуданд: Сафири Британия Кабир дар Ҷумҳурии Тоҷикистон – Трэвис Мур, намояндагони МАГАТЭ, намояндагони Барномаи Глобалӣ оид ба паст намудани хатарҳо (GTRI) Британияи Кабир ва ИМА, намояндаи Ҳукумати Ҷумҳурии Тоҷикистон – Хайрулло Ибодзода, намояндаи Вазорати корҳои хориҷӣ – Шерали Ҷононов, намояндаи Кумитаи ҳолатҳои фавқулодда ва мудофиаи гражданӣ – Чамшед Камолов, Раиси ноҳияи Файзобод –А.Ҳакимов, Директори Агентии амнияти ядроӣ ва радиатсионӣ – академик У.Мирсаидов ва намояндагони дигар вазорату идораҳо.

Иншоот аз тарафи намояндагони расмии Британияву Тоҷикистон аз назар гузаронида шуд ва кормандони техникӣ ҳозиринро бо системаи модернизатсияшудаи муҳофизати ҷисмӣ ва бехатари шинос карданд.

Мақсади асосии лоиҳаи мазкур ба стандартҳои МАГАТЭ мувофиқ овардани системаи бехатарӣ ва муҳофизати маводҳои радиоактивии НҶГПР мебошад. Сохтори НҶГПР бо роҳи зерин модернизатсия карда шуд: насби видеокамераҳои назоратӣ, муайянкунандаҳои (датчикҳои) воридшавии ғайри қонунӣ ва ҳаракат, назорати минтақаи НҶГПР бо воситаи интернети ноқили оптикӣ аз ш. Душанбе, сохтани бинои нави нигоҳдорӣ барои РИТЕГ-ҳо ва дигар партовҳои радиоактивӣ, сохтани бинои марказии назорати минтақа, гузаронидани хати барқи доимамалкунанда, гузаронидани хати қубури об ба иншоот ва ғайра.