Амнияти киберӣ (ки баъзан вақт онро амнияти компютерӣ низ меноманд) маҷмӯи усулҳо ва амалияҳои муҳофизат аз таҳдидҳои ҳамлагарони компютер, сервер, дастгоҳҳои мобилӣ, системаҳои электронӣ, шабакаҳо ва маълумот мебошад. Амнияти киберӣ дар соҳаҳои гуногун, аз тиҷорат то технологияи иттилоотӣ истифода мешавад. Дар ин самт якчанд намудҳои асосиро ҷудо кардан мумкин аст.
Дар ин радиф, фишинг яке аз бузургтарин таҳдидҳои амнияти киберӣ боқӣ мемонад, ки дар ин мақола панҷ намуди он, аз ҷумла усулҳои татбиқ ва чораҳои муҳофизатӣ мавриди таҳлил ва баррасӣ қарор гирифтааст. 
Маводи пешниҳодшуда барои мутахассисони соҳаи амнияти иттилоотӣ, роҳбарони созмонҳо ва доираи васеи хонандагон, ки ба таҳдидҳои киберӣ таваҷҷӯҳ доранд, аз манфиат холӣ нест.
Почтаи электронӣ воситаи муҳими муошират аст, ки он ҳамчун  манбаи  асосӣ аз ҷониби ҳамлагарон истифода бурда мешавад. Ҳамлаҳои фишингӣ усулҳои муҳандисии иҷтимоиро барои фиреб додани маълумоти ҳассос ё вайрон кардани системаҳо истифода мебаранд. 
Илова бар ин, дар мақола таҳлили панҷ навъи маъмули мактубҳои фишинг омӯхта шуда,  ҳамзамон роҳҳои муҳофизати он пешниҳод гардидааст.

                               Намудҳои асосии мактубҳои фишингӣ:

1. Пешниҳоди тиҷорат
Ҳамлагарон мактубҳоро бо услуби мукотибаи расмии корӣ эҷод намуда, ба ҳамкорӣ ё шарикӣ даъват мекунанд. Барои эътимоднокӣ, матн, лоиҳаҳои воқеии ва замимаҳо соҳаро зикр мекунад, ки дорои нармафзори зараровар  мебошанд.
Он чӣ гуна кор мекунад?
Кушодани файли замимашуда рамзи зарароварро фаъол мекунад, ки он метавонад ба шабакаи корпоративӣ дастрасӣ диҳад.
Мақсад: аз худ намудани маълумот ва вайрон кардани шабакаи корпоративӣ.
2.    Фиреб додани олимон
Мактубҳо аз номи донишгоҳҳои маъруф ё ташкилотҳои илмӣ ба муҳаққиқон ирсол мегарданд, ки он дар аксари ҳолат даъват ба конфронс бо истинод ба сайти фишинг аст.

Ин чӣ гуна фаъол мегардад?  Ҷабрдида истинодро пайгирӣ намуда, ба он эътибор медиҳад ва тасдиқи худро ворид мекунад, ки баъдан он аз ҷониби ҳамлагарон истифода бурда мешавад.