Маориф ба занону духтарон имконият медиҳад, ки истеъдод, дониш ва маҳорати худро, ки асоси комёбиҳои илмӣ мебошанд, инкишоф диҳанд. Баланд бардоштани савияи маърифати занон инчунин ба афзудани намояндагии онҳо дар академия, муассисаҳои илмӣ ва ҳукумат мусоидат мекунад.

Аммо, сарфи назар аз пешравӣ дар ин соҳа, мушкилот дар таъмини баробарии комил дар соҳаи маориф ва илм боқӣ мемонад. Барои беҳтар намудани дастрасии занон ба таҳсил, муҳайё намудани шароит барои иштироки фаъолонаи онҳо дар тадқиқотҳои илмӣ, ба муқобили монеаҳои иҷтимоию маданӣ, ки ба комёбиҳои илмӣ халал расонда метавонанд, мубориза бурдан муҳим аст.

30 апрели соли 2024 бо ташаббуси Президенти Академияи миллии  илмҳои Тоҷикистон Хушвахтзода Қобилҷон Хушвахт дар доираи курси махсуси Занони пешво лексия дар мавзӯи: Таҳсилоти занону духтарон ҳамчун асоси тарбияи комёбиҳои илмӣ баргузор гардид. Маърузачӣ Зарина Сайфиева буд.

Дар маърӯзаи худ Зарина Сайфиева ҷанбаҳои калидӣ, аз қабили аҳамияти таълим, рушди иқтидорӣ, рафъи қолабҳо, дастгирӣ ва таваҷҷӯҳро қайд намуд. 
Маориф дар ҳаёти занону духтарон, махсусан дар шароити комёбиҳои илм нақши ҳалкунанда мебозад. Ин на танхо ба онҳо донишу маҳорат мебахшад, балки худбоварӣ ва боварии онҳоро ба қобилияти худ зиёд мекунад. 
Занон ва духтарон дар соҳаҳои илм иқтидори бузург доранд ва маориф калиди кушодани ин иқтидор мебошад. Дастгирии таҳсилот ва манфиатҳои илмии онҳо ба рушди афкори илмӣ ва навоварӣ дар ҷомеа мусоидат мекунад.

Қолабҳои мавҷудаи иҷтимоӣ-фарҳангӣ метавонанд имкониятҳои занонро дар илм маҳдуд созанд. Маориф дар рафъи ин қолабҳо нақши муҳим мебозад, ба занону духтарон барои эътимод ва муваффақ шудан дар касбу кори илмӣ кумак мекунад.                 
Масъалаҳои баррасишударо ҷамъбаст намуда, Зарина Сайфиева таъкид кард, ки то чӣ андоза муҳим аст, ки занону духтарон дастгирӣ ва таваҷҷуҳи ҷомеа, оила ва муассисаҳои таълимиро дошта бошанд, то ки онҳо дар касбу кори илмӣ муваффақ шаванд.