Озмоишгоҳи гамма - спектрометрӣ
Озмоишгоҳи гамма-спектрометрӣ озмоишгоҳи махсусгардонидашуда буда, барои муайян намудани энергия ва шиддатнокии гамма-афканишоти намунаҳои таҳлилшаванда, аз ҷумла маводҳои радиоактивӣ истифода мешавад. Он барои таҳлили маҳсулоти хӯрокворӣ, объектҳои муҳити зист ва дигар маводҳо самаранок истифода бурда мешавад.
Соҳаҳои истифодабарӣ:
- Санҷиши сатҳи радиатсия дар муҳити зист барои таъмини бехатарии радиатсионӣ;
- Истифода дар тадқиқоти физикаи ҳастаӣ, астрофизика ва кимиёи радиатсионӣ;
- Таҳлили маводҳо барои ошкор намудани ифлосиҳои радиоактивӣ.
Усулҳои кор бо гамма-спектрометр:
Гамма-спектрометр таъсири мутақобилаи гамма-квантҳоро бо модда (фотоэффект, эффекти Комптон ва тавлиди ҷуфтҳои электрон-позитрон) сабт намуда, спектрҳои энергетикии онҳоро барои таҳлили минбаъда пешниҳод мекунад.
