Семинари илмӣ-амалӣ дар мавзӯи «Таҷзияи хлории маъданҳои бордошта ва алюмосиликатии Тоҷикистон»
20 августи соли 2025 дар доираи "Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф, солҳои 2020-2040" ва татбиқи "Барномаи давлатии тайёр кардани кадрҳои баландихтисоси илмӣ барои солҳои 2021-2030", семинари навбатии илмӣ дар Маркази минтақавии бехатарӣ, амният ва кафолати химиявӣ, биологӣ, радиатсионӣ ва ядроии Агентии амнияти ХБРЯ-и Академияи миллии илмҳои Тоҷикистон баргузор гардид.
Семинари мазкур таҳти роҳбарии академики АМИТ, Улмас Мирсаидов доир шуд, ки дар он унвонҷӯён, ходимони илмӣ ва олимони ҷавон аз Агентии амнияти ХБРЯ-и АМИТ ва Озмоишгоҳи коркарди ашёи хоми минералии Институти химияи ба номи В.И. Никитинаи АМИТ иштирок намуданд.
Дар семинар PhD-докторанти Институти химияи ба номи В.И. Никитинаи АМИТ, Исозода Акрам Муҳибулло, рисолаи илмии худро зери унвони «Таҷзияи хлории маъданҳои бордошта ва алюмосиликатии Тоҷикистон» пешниҳод кард. Исозода Акрам қайд намуд, ки бо истифода аз усули таҷзияи хлории маъданҳои бордошта ва алюмосиликатҳои дар Тоҷикистон мавҷудбуда, бо хлори газӣ ва хлориди натрий як қатор маҳсулотҳо, аз қабили коагулянти омехта барои тозакунии обҳои ошомиданӣ ва сехлориди бор, ба даст овардан мумкин аст.
Ҳадафи асосии ташкили чунин семинарҳо баланд бардоштани сатҳи донишҳои касбии олимони ҷавон ва ҷалби онҳо ба фанҳои дақиқ мебошад.
