ИСТИҚЛОЛИЯТ – РАМЗИ ШАРАФ ВА ИФТИХОРИ ҶАВОНОН
Истиқлолият – ин озодӣ, ваҳдат ва ин шарафи ҳар як тоҷик аст!
Чи тавсифе беҳтар дар сифоти истиқлолу озодӣ аз ин тазаккури муаллифи китоби “Тоҷикон дар оинаи таърих”, посдору муаррифгари анъанаҳои неки давлатдории мардуми тоҷик, Асосгузори сулҳу ваҳдати миллӣ – Пешвои миллит, Президенти Ҷумҳурии Тоҷикистон муҳтарам Эмомалӣ Раҳмон, ки озодӣ ва истиқлолият дар ҳар давру замон неъмати бебаҳою волои ҳаети инсон, нишонаи барҷастаи симо ва ташаккули таърихӣ, кафили пешрафт, рамзи асолату ҳувият, шарти бақои миллат, пойдории давлат, мазҳари идеалу ормонҳои таърихӣ, шиносномаи байналмилалӣ, замонати ҳастии воқеӣ ва шарафу эътибори ҷаҳонии миллат аст.
Мафҳуми истиқлол дар Фарҳанги тафсирии забони тоҷикӣ (Душанбе, 2008) ба маънои мустақилӣ, соҳибихтиёрӣ, озодӣ ва комилҳуқуқии кишвар дар идораи сиёсию иқтисодӣ ва фарҳангии худ ташреҳ ёфтааст.
Дар асари дигари Пешвои муаззами миллат “Уфуқҳои истиқлол”, ки фарогири арзишҳои истиқлоли давлатӣ, аҳамияти ваҳдату сарҷамъӣ ва рушди тадриҷии соҳаҳои иқтисодиву иҷтимоии мамлакат мебошад, чунин инъикос ёфтааст:
“Мардуми мо ҳанӯз аз бомдоди таърих мардуми соҳибватан ва давлатсоз буда, ниёгони арҷманди мо дар оғоз ва саргаҳи давлатдорӣ қарор доштанд ва намунаҳои нахустини ҷомеаҳои мутамарказ ва давлатҳои муқтадири таърихиро барои башарият эҳдо карданд, аммо дар натиҷаи тохтутозҳои пайдарҳами анҷабиён ва пирӯзии дарозмуддати тирагӣ ба равшанӣ мардуми тоҷик як муддати тулонӣ аз идоракунии мустақилонаи давлатдории худ маҳрум монд. Ин давраи тира, ки чандин қарн идома ёфт, асрҳои фоҷиаи миллӣ ва таназзули фарҳангии мардуми мо ба ҳисоб меравад. Гарчи дар ин марҳала маҳз дар заминаи таҷрибаи давлатдории тоҷикон даҳҳо давлату сулолаҳо дар ин сарзамин ҳукм ронданд, аммо худи точики соҳибватан зери идораи бегонагон қарор дошт. Танҳо 9 сентябри соли 1991 чархи сарнавишт дубора ба муроди мардуми тоҷик давра зада, тоҷикон соҳиби Истиқлол ва давлати мустақил шуданд”
Мо ҷавонон хуб дарк мекунем, ки маҳс ба туфайли истиқлолият Тоҷикистони азиз ба ҷаҳониён ҳамчун давлати соҳибихтиёр, пешрафта ва босубот муррифи гардид. Мо ифтихор дорем, ки дар кишваре зиндагӣ мекунем, ки сулҳу амният, ваҳдат ва якдигарфаҳмии ҳукмфармост ва мо тамоми саъю кӯшиши худро барои устувор кардани истиқлоляти давлати Ҷумҳурии Тоҷикистон равона менамоем.
Зинда бод истиқлоляти давлатӣ! Зинда бод Тоҷиқистон
Мудири сектори хоҷагидрӣ, Мирзоев А. М.
Ходими илмии сектори таълиму омӯзиш, Исматдинов М. М.
